Dieser Fůrst ist gewest ein ser. gelarter. frůmmer. vnd hochuerstendiger
herr. Vnnd derhalbenn von seinem brůder dem Romischen kaÿser
Lanndtvoÿgt in Franckraich an den enden Gallia belgica gnant. Vnd
zů Lothringen Gúbernator gemacht wordenn. Welchs
ambt er so wol vnnd selicklich aúsgericht hat. das. er das selbig Gantz
Landt vonn rawbern vnd andern tetern raÿniget. vnd vntůgent
ernstlich straffet. Vnd. wiewol er ein vngezempt Folck hett. doch
hielt er sie mit zůcht. vnnd besůnderer klůckait vnd vorsichtigkait
in stetem Frid. Dann er was gotsfortig. vnd eÿnes Fůrstlichenn
Lobwirdigenn Lebens. Vonn Welchem seÿnem lebenn.
Rogeriůs ein gantz bůch gemacht hatt.