koniglichenn scepterr. Vnd Sagt also. Durch diesen koniglichen scepter
soltů vermant werden. gleich deinem Vatern Waylandt Romischer
konig. hainrich. die vnterthanen zůstraffen. Vnd dů solt dich
vor allenn dingen gegen den gaistlichenn. Witwen. weisen. vnnd
elenden gnediglich vnnd barmhertzig erzaigenn.

Nach behendůng des Romischen scepters. hies der Ertzbischoff vonn
Meintz den Erwelten Romischen konig. Sich neÿgen. Vnnd als er sich
auff sein geheys wider aůffgericht hett. nam der Ertzbischoff den
hailigen Cresin. vnnd salbet den Erwelten Romischenn konig. mit disen
wortenn. Das oll der erbarmůng sol dir nÿmmer nit gebrechenn
Damit dů magst mit gegenwertiger vnd ewiger belonůng. begnadt
vnnd gezcirt werdenn.