Darnach legt sich dieser. Tancmarr. zů sambt benantem
Pfaltzgraůen. Eberhart. vom Reÿn vnnd Graůen Gebhart
hertzog hermans. von Swabenn brůder fůr das Schloss
Badelick mit eÿnem grossen Folck. Vnd nachdem sein Vetter
des Romischen kaÿsers rechter brůder hertzog. hainrich. erstlich zů
Sachssenn. vnnd darnach zů Baÿrnn aůff dem selbenn Schlos
lag. als. Tancmarr. mit gewalt erobbert hett. Fieng er seÿn
Vetternn Hertzog. hainrich. vnd fůret ÿn mit ÿm hinweg.