Enntlich da dieser Herr. Tancmar. mit seinem vngezempten Folck
nit wolt ablassenn die armen Lewth aůs hersbrůck zůbeschedigenn
Derhalbenn ÿm aůch die bůrger zů Hersbruck ser entgegen vnd
vngenaigt warnn. kůnt der Romisch kaÿser. Otto. soůil vbels nit lenger
vngestrafft erdůlden. Vnd zcog mit einem grossenn heer darfůrr.
Vnnd als er von den bůrgernn leicht wart eingelassen. Flog. Tancmar.
in Sant Peters kirchenn etwann vom Babst. Leo. dem drittenn
geweihet. Vnnd In welcher in vorzeitenn der Sachssenn Abgot
hermensewl gestanden was. Darÿnn Tancmar. verhofft
sein lebenn zůrettenn.