Dieser Hertzog. hainrich. vonn Baÿrnn hat gehabt zů Frawenn. Júdith
ader als etlich habenn. Adelhaÿdt. Hertzogen Arnolffs.
von Baÿrn des Bosen gnant tochter. mit welcher er aůch dass
hertzogthůmb zů Baÿrn vberkůmmen hat.

Von dieser Frawen hat er geborn ainen Sůn Hertzog. Hainrich.
zů Baÿrn mit dem zůnamen Hetzell.

Vnd als etliche sagen nach ein Sůn Brůno Marggraůen zú Braůnswig.
Oder als etlich habenn zů Sachssenn.

Vnd zwů tochter. Gerbůrg. Eptissÿn zů Gandersheÿm in Sachssen.
Vnnd. Hedwig. hertzogÿn zu Swabenn. hertzog. hermans. von
Swabenn des namen der dritt. gemahell. Vnd ist gewest eÿn clůge
Lÿstige Fůrstÿn. vnd Lateinischer vnd kreckischer sprach verstendig