Entlich nam der Ertzbischoff von Meintz. die Romische konigliche kron.
Vnd Sagt also. Der herr gerw dich zůkronenn mit der kron derr
glorien vnd ere. nit das sich dein hertz vnnd gemůt darůon erheb.
Sundern das dů damit werdst gedemůtigt in Cristo. der vmb vnser selickaÿt
willen ein dornen kron in sein allerheiligts hawpt geslagen. getragen vnd
erlieden hat. Welchem herrn vnd haylmacher dů solt nachfolgen. vnd
eindechtig sein. des weysen konigs rede. der gesprochen hat also. Die
erbarmůng vnd warhaÿt bewarn den konig. vnd sein stůl oder gewalt.
wirt zůsterckt důrch die gůtickaÿt. vnnd Barmhertzigkaÿt.

Da dieser Romischer kayser. zů Romischen konig gekront vnd gesalbt was.