Darnach lies sich dieser Hertzog důrch Pfaltzgraff. Eberhart. am
Reÿnn. vnnd andere vngetrewe vnnd mÿsgůnner des Romischen
kaÿsers. Otto. des grossenn vberredenn vnd verfůrn. Vnd
macht eÿn verbůntnÿs mit ÿn. vnnd seÿnem Swager Hertzog.
Jselbrecht. Oder Gÿselbrecht zů Lothringen vnnd etlichenn
Graůen wider seÿnen brůder den Romischenn kaÿser. ÿn vmb
die Romische konigliche kron zůbringenn. Vnnd sich selbst
zů Romischenn Konig zůmachenn.