Jn bemeltem fůrnemen selbst Romischer konig zů werdenn. zcog
dieser hertzog zů seinem Swager Hertzog Jselbrecht. von Lothringen
vnnd erwarb soůil vonn ÿm das er ÿn mit einem grossenn Folck erwegt
Vnd wider sein brůder den Romischenn kaÿser aůffbracht. Mit
ÿm bis an Reÿn zůziehenn. Da er mit seinem brůder dem
Romischen kaÿser vnglůcklich streÿt. Dann die Lothringer verlorn
den streÿt. vnnd worden alle entwer erslagenn. Oder gefangenn.
Vnnd die mit hÿlff der flůcht darůon kamen. vnter den selbenn
aůch dieser hertzog. Hainrich.