Nach diser Lothringischen schlacht am Reÿn. fieln dieses hertzogen Stete
all vmb. aůsgenůmmen Mersbůrg vnd Scheÿding. Da er nůn solchs erfůr.
erhůb er sich heimlich. nicht stercker dann mit neůn pferden. gen
Mersbůrg. Da er von seinem brůderr dem Romischen kaÿser Otto.
Wie aůch in des grossen kaÿsers. Otto. geschichten verzelt ist.
belegt wart. Vnnd ÿm gelobenn můst In wendig Dreisig tagenn aůs
Důringen vnd Sachssen zůziehen. Wie er aůch thet.

Mann findt aůch das dieser hertzog hab seinem brůder dem Romischen
kaÿser. Otto. die wenden vngehorsam gemacht. sein fůrnemen
villeicht dadůrch dester bas zůendenn.