Darnach bleib dieser Hertzog zů Baÿrn seinem brůder dem Romischen
kaÿser. Otto. getrew dieweil er lebt. vnd folgt ÿm In vil streitenn
wider sein. vnd des Romischen Raichs feindt. Inn welchen allen er
Ritterlich vnd wol thet. Aůch zcog er mit heer Inn Welsch Landt
wider die feindt des Romischen Raichs. vnd seines brůder des Romischen
kaÿsers. vnd erobbert die Stat Aqůileÿen mit grossem frůmmen aller
welschen Landt.

Da nůn dieser Hertzog hett benante Stat Aqůileÿen gewůnnen. vnd