Wiewol dieser Fůrst vil Lannds vnnd grosse Fůrstlich gůter in Baÿrn
het. Doch wolt er lieber im Lanndt zů Sachssenn da er her Bůrtig was.
vnnd die ankůnfft seÿnes vorfordernn hett. Vnnd daselbst sich
lieber an messigenn Fůrstenthůmb lassenn begnůgenn. Dann In
Baÿrn ein grosse herschafft habenn. Damit sein geschlecht
weil es also Inn frembd Lannd kůmmen was. nicht in vergessenheit
vnnd vmb sein Erbgůter in Sachssen keme. Darůmb belehent
ÿn erblich der Romisch Kaÿser. Otto. der Gros. seins Vatern brůder
mit Brawnsweÿg mit sambt denn vmbligenden Schlossern Tanqůarderode.
Melnenrode. Hohenwart. vnd alles das am hartz zwischen den zweÿenn
wassernn der Encker vnd der Ganda leÿd. Vnd gab ÿm
darzů den titel der Margk zü Sachssenn. die aůch zůweÿln wirt
gnant die Marck zů Braůnswig Derhalben dieser Fůrst důrch sein
Loblich Regiment vnnd lebenn von allen menschen In Sachssen hoch
gelibt vnnd geert wartt.