Dieser Fůrst hat ÿm eelich vertrawet Frawenn. Gisla. Graüenn
Růdolffs vonn Werla tochter. vnnd Marggraůen Lewpolts.
vonn Osterreich Oder als etlich habenn Hertzogen. Ernsts. Vonn
Swabenn des eldernn nachgelassen witwe. Von welcher
er hat bekůmmen eÿn Sůn Marggraff. Lewtolff. zů Sachssen
Vnnd nachdem dieser Marggraff. Braůn. kůrtz abstarb. Nam sein
witwe die benant Fraw Gÿsla. kaÿserr. Conrad. den.
der nach dem hailigenn kaÿserr. Hainrich. Romischer kaÿser warr.
Vnd hett mit ÿm eÿn Sůn den Romischen kaÿser. Hainrich. den
Drittenn. Welcher darnach aůch eÿn Sun erlangt den
Romischenn kaÿser Hainrich. den Vierdtenn.