můttern der Romischenn kaÿserin vnnd seÿnes Stiffbrůdernn des Romischen
Kaÿsers. hainrichs. des Drittenn ser vil vnnd grosse gůter nicht
allein in Sachssenn. Sůndern aůch Inn Důringen zů lehenn
bekůmmen.

Als nün Marggraüenn Braüns des andern von Sachssenn Sün.
die zwen Jůnge Marggraůen. Marggraff. Braůn. der dritt Vnnd
Marggraff. Eckbrecht. vber ÿr Vierzehen Jhar kůmmen warnn. erhůbenn
sie sich des hochenn Adels ÿres geschlechts vnnd ÿres Grossenn
reichtůmb. Vnd begůnten die andern Fůrsten vnd herren in Sachssen
zůůerachtenn Derhalbenn sie sůnderlich mit Graůen
Wilhelm vnnd Graůenn Otto vonn Northeÿm vneÿnig wůrden
Da nůn benanter Graff Otto vonn Northeÿm ain mal zům Romischen
kaÿser. hainrich. dem drittenn die zeit gen Mersbůrg da er war
mit sambt dem Jůngenn Graůen Cůnradt von Plotzk Graůen Bernharts
vonn Plotzk Sůn. reÿten wolt. begegent er vnůersehen an der Sal beÿ