Nachdem die zeit sich ein krieg erhüb zwischen dem Romischen kaÿser
hainrich. dem vierdten eÿns. vnnd den Sachssen andernn taÿls.
wolt sich dieser Marggraff erstlich mit derselben taÿl keÿnem
haltenn. damit er ÿr keÿns erzornet. Vnd ÿm vngenaÿgt machet. Als
ÿm aber der Romisch kaÿser seÿn lehen mit gewalt genůmmen.
Vnnd Graůen Vlrich vonn Godisheÿm eÿnem vncristlichenn
derhalbenn Gotteshass genant gelihenn hett. Demnach
machet dieser Marggraff eÿn verbůntnůs mit den anndern
Fůrsten In Sachssenn wider den Romischen kaÿser. Vnnd thet vil
hochrůmlicher tat in demselbenn krieg.