Vber obenberůrte widerwertickaÿt vnnd krieg wart dieser Romischer
Kaÿser aůch weiter vnnd mer angefochten Dann hertzog. Bolesla.
vonn Behem totet sein brůder Sannt. Wentzell. oder Wencesla.
den hayligen konig zů Behem. auff das er mocht konig zů Behem werden.
Oder als etlich schreibenn darůmb das er diesem Romischen kayser
gehorsam warr. Derhalben der Romisch kayser wider berůrten
Hertzog Bolesla. vonn Behem Graf Esick von Mersbůrg.
mit seyner legion. Sambt dem heer aůs Důringen vnnd Hessen schicket.
die eyn harten streÿt mit den Behemen teten. Vnd den sÿg
behieltenn.