villeicht das er nicht kůmmen kůnt. Oder aůch das er nicht kůmmen wolt.
zcogenn die Fůrsten So daselbst sich hertzog. Hainrichs.
ankůnfft versehenn hettenn. Aůff eÿn Graůen Eckbrecht
genant. vnnd gewůnnen ÿm seÿner Stete eÿne Ala genant ab.
vnnd legtenn die maůrn nach der erobberůng dernidderr.

Aber wie dem so lies dieser hertzog noch nicht von seinem fůrnemen.
stets verhoffendt sein willenn vnd begir zůerfůllen. Vnd legt sich in
solcher maÿnůng beÿ Bůssenstet aůff die weÿde mit den Fůrstenn des
Raichs daůon zůhandeln. Dahin aůch kamen Ertzbischoff Willigis von
Meintz. Vnnd hertzog. Cúnradt. vonn Francken. Aber hertzog.
hainrich. erlangt nicht allein nicht das er Verhofft. Sůndern