dem andernn gein Rom gezcogen. da er die kaÿserliche kron annam.
vnnd erlanget vil grosse Priůilegia seÿner kirchenn vom Babst
Joannes. des Namen der Dreÿzehenndt.

Enntlich da er sein Bistümb loblich regirt. vnd zů seÿner anfrawen
der důrchleůchtigstenn Fůrstÿnn Frawen. Mechtildt. Romische
Konigÿnn ziehen wolt. Sie Inn ÿrer kranckhait zů trosten. Starb
er zů Rodekwerde vnter wegen. am andern tag Marcÿ Nach cristi
gebůrt Neůnhůndert vnd achtvndSechzigsten Jharr. Vnd erschÿn
seÿner grosmůter Mechtildt. vnd herrn Lewtolff Abt zů Corbeÿ
vnd ist zů Meintz begrabenn. Sein leben ist aůch mit
gnůgsamer anzaige seiner geschicht Inn der Bischoůenn bůch
zů Meintz weÿter aůsgedrůckt.