Kaÿser. Otto. zům Erstenn in Jtalienn zcog. vor ÿm hineÿnn
gezcogenn. vnd hat Welsch Lanndt eingenůmmen. Vnd hielt
sich desselben so getrewer vnd kintlicher wolmaÿnüng gegen
seinem Vater in allen sachen das die lieb vnnd gnad seÿnes
Vater noch mer zůnam.

Aber kůrtz darnach setzt sich dieser Fůrst. wieder sein Vater. vnnd
machet eÿn verbůntnÿs mit etlichen feÿnden. seins Vaters vermeindt
ÿn důrch solch fůrnemen vmb das Romisch Raich zůbringen. Vnd
nam die maist vrsach daher. das. nach dem sein Vater die ander Fraw
hett genůmmen. er in besorgůng was. So er wůrdt kinder mit ÿr
habenn. das er wůrd sein willen mer aůff dieselbenn. dann aůff
Ÿn legen. vnnd sein wenig hinfůr achtenn. Etlich schreiben
erhab keÿn vrsach gehabt. Sůndern hab es allein aůs
eÿnem můtwillen fůrgenůmmen.