Darnach schlůg sich das glůck mit disem Fůrsten vmb. vnd naigt sich so
manchfeltig von ÿm das er gotlich straffůng beforcht. wann er nit
ablies von seÿner fůrgenůmmen vntrew gegen seinem Vater. Dann etlich
schreiben er seÿ von wegen seins vngehorsams gegen seinem Vater
vom hertzogthůmb entsetzt worden. Derhalb trat er in berawůng
seÿner begangen vntrew. vnd als er aÿn mal erfarn hett. das seÿn Vater
aůf der Iaget zů Salůelt wer. zcog er zů ÿm. vnd fiel mit blosen knÿen.
seinem vater zů fussen aůfs demůtiglichst vmb gnad vnd vergebůng
seiner vntrew bittendt. Wie er dann daselbst erlangt.

Etlich schreibenn das dieser Hertzog. Lewtolff. hab aüch