Crescenciůs wider den Babst Gregoriům. Darůmb das sie
das Babstůmb der Teůtzschen Nacion nit gůnten. vnd warffenn ein
andernn Babst aůff die zeit Bischoff zů Placentz. sůst gar ein
reicher vnnd gelarter man den sie Im vermeinten Bastůmb [lies: Babstůmb] nenten
Babst Joannes des Namen der Sÿbenzehendt Derhalbenn
Babst Gregoriůs aůs Rom in Ethrůrien weÿch. vnnd daselbst ein zeit
sich hielt zůůersůchenn ab die Romer von ÿrem fůrnemen wolten
ablassenn. Dann er was ein So frůmmer vnd hailiger Vater
das er sich So grosser Iniůrien von den Romern gegen dem Romischen
kaÿser nit ee wolt beclagenn. dann er gůtige mittel gesůcht hett.
die Romer an allen ÿrn schaden zů der billickait zůbringen vnd weisen.

Da sich aber die Romer nit wolten weisen lassenn. Sůndern Inn
ÿrm freůel verbliebenn. zog dieser hailig Babst zů seinem Vettern
dem Romischen kaÿser. Otto. in Tewtzsch Lanndt. vnd beclagt
sich gegenn ÿm der Romer můdwillenn Vnd bewegt ÿnn
dahin. das er ein gros heer versammelt. Vor Rom zcog. vnnd die