In mitler zceit rustet sich der Hertzog von Lothring mit sambt Hertzog.
hainrich. von Sachssen mit dem Romisch konig zůstreiten. Weÿl
nun der Romisch konig am Reÿn lag. vnzweifelich in maÿnůng in
Lothringen zůrůckenn. So ym eyn vnrichtig antwort wůrd. vnnd
sein Feindt mit ernst zůsůchen. zcog vorbenanter Ritter Agina vor der
Lothringer heer. eingedenck seines eydts. so er dem Romischen konig gethan
hett. Wann er seinen herren Hertzog. Heinrich. nit zům frid kůnt
bewegen sich wieder einzůstellen. Nachdem er nůn vber den Reÿn
gefarn was. Vnnd sich der Romisch koniglich Maiestat einstelt. Fragt
der Romisch konig ab hertzog. Iselbrecht. von lothringen Frid oder krieg
fůr hett. Auff welche frag der Ritter also verstůmbt. das er keyn wortlen
kůnt reden. In dem wart der Romisch konig auch der Lothringer zůkůnfft
vnd yres heers gewar. Vnd nachdem seins folcks ein tail was
vbergefaren. sah er das die lothringer zů demselben zůeylten. In dem
wendt sich der Romisch konig zům Ritter Agina. Vnd Sprach. was bedeůt
diser zeůg. vnd wer ist es. Do Antwort der Ritter. Es ist ewr