Des Romischen Raichs Landt Lothringen vberzcog. vnnd einnam Aůch
daran vngesetiget die Stat Ach beleget. das Lanndt darůmb gelegen
verheret. vnnd vermeindt dieselbenn Landt ÿm zůvnterwerffen. Aber
da solchs kaÿser. Otto. erfůr wiewol die zeit mit dem
Behemischenn krÿeg beladenn zcog er mit aÿnem mechtigenn Here In
Lothringen. vnd nam es wieder eÿn.

Konig Lothar wolt des Romischenn kaÿsers. Otto. nit erbaiten
Sůnder zcog wider gein Parÿs Derhalbenn der Romisch kaÿser
nach wider einnemůng des Landts zů Lothringenn als konig lothar
vor ÿm aůs dem feldt geflohen was. nachfolget. vnd verderbt mit brandt
vnnd anderm kriegrecht gantz FranckRaich. Vnd Nemlich die gegent vmb
Sÿon vnd Sůession bis an Parÿs da er alles gebew vor vnd vmb dieselb
Stat Verbrennet.