brůder mein herr. Welcher So er meÿnem Rat gefolgt hett. wer er in
einer andernn maynůng vnd gestalt kůmmen. Darůmb bin ich kummen
wie ich geredt vnd gelobt. Da das der Romisch konig hort. kůnt er
entpfangen schmertzen vnd schrecken. nit bergen. Beůor das er keÿn schiff.
bey ym hett. das er hett můgen vberfarn. Auch das er an schiff nit kůnt
vberkůmmen. Vnd da er sah das die seinen die vber den Reÿn gefarnn warn.
můsten entwer tot bleÿben. Ader yr leben mit gewalt vnd streiten erhalten.

Da nůn der Romisch kayser sah. das die seinen wůrdenn bezcwůngen mit den
feinden zůstreiten knÿet er fůr das Sper Cristi. růffet got an vmb hůlff
vnd bet also. O got schopffer vnnd Regirer aller ding. Ich bit dich
dů wollest. ansehen das Folck. Welchs ich nach deinem gotlichen willen