Dieser Romischer kaÿser hat aůch dem Capittel zů Magdebürg
gewalt gegebenn in ewickait ein ErtzBischoff zůerwelenn. vnd
darnebenn eÿn Ewangelibůch daran sein. vnnd seÿner eelichen
gemahell Frawen. Theophania. Romischen kaÿserin bildt aůs
golt berait steen. Er hat aůch das ErtzBistůmb zů Magdebůrg
mit Rosennbůrg. Calbe, vnnd Bůrckwardienn sambt aller zů
vnnd eingehorůng begabt. Aůch hat er benantem
stifft zů Magdebůrg gnediglich bestetigt die Aptey zů Angre
alle die gůter vnnd priůilegien damit es vonn seinem Vaterr
kaÿser. Otto. dem Grosssenn ist begabt wordenn.