Veram. Resem. Ridere. Tolensam. Zcircipam zů vnser Cammern
gehorend von vnserm Vater licht Oder Weÿrach darůmb zůkaůffen
zů Magdebůrg Sant Maůricio gegeben. Aůch wir důrch vnser
gabhafftickait derselben kirchen gebenn. vnd besteten. Vnd aůff
das ditz gebot vnser bestetůng můg vest vnd bestendig bleÿben. Haben
wir disen briff befoln zůschreibenn. vnd mit aůffdrůckůng vnnserr
petzafft versigeln. Welche wir aůch mit eygener hand vnden bestetigt haben.

Ich willisůs Notarÿ hab es an stat Roprecht des Cantzlers vnterschriben.

Gegeben am Sÿbenden tag Maÿ Nach der menschwerdůng des
herren Neůnhůndert vnd Im dreÿvndachtzigsten Jhar Gescheen zů
Magdebůrg.

Dieser Romischer kaÿser hat aüch vberflůssiglichenn das arme Bistůmb
zů Mersbůrg begabt. Vnnd gab dem Bischoff Giseler vonn Mersbůrg