regir Damit dúrch dein gotliche hanthabůng der gantzen welt eÿn
beweÿsúng gegeben werd. das deiner Ordnůng vnnd schaffůng nichts
kan widersteen Wann dú bist der lebendig vnnd mechtig Got.
in ewickait. Vnnd setz mein hoffnůng vnd vertrawen gar in dich.
aůff das ich nit werd geschmeht. vnd von meynen feinden vnůerspotet
bleib Dann alle die von deinet wegenn gedůldiglich leidenn.
werden nit geschendet. Vnd dieweil er also bet. do sah er das sein vbergefarn
Folck zů der schlacht. wider die feindt Sich mit grosser manhait schickett.
Es lag aůch zwischen den kayserischen vnd den Lothringenn ein Teych.
Darůmb sahen die kaÿserische fur das best an. das sie ain hawffen aůs
schickten zůerfarn ab sich die feindt zum taill in das gestreůch am teich
gelegenn. verborgen hetten. vnd so es also gescheen den andern Iren gesellen
solchs anzůsagen. So aber nit das derselbig hauff hinder die Feÿndt kome.
Vnnd yn hintterrůcklich ein einfal thůn mocht.

Die Lothringer verliessenn sich aůff ir grosse anzall vnd eÿlten zů den kaÿse