Derr Romisch kaÿser flog mit seines brůders Sůn obinbenantem hertzog
Otto vonn Swaben vnd etlichen andern an das mere. Es schreiben
etliche das in dieser schlacht soůil Folcks seÿ aůch der Teůstzen vmkůmmen
das wenn die kriechen sich hetten recht in die sach geschickt.
das sie hetten gar leichtlich můgen Rom vnd gantz Italien
erobbern Da sah er von fern zweÿ krÿechische schiff
die sie Salandrias nennen zů ÿm naÿgen. Vnnd in das Erst wart
er nit aůffgenůmmen. villeicht das man ÿn nit kennet.
Oder aber aůs forcht der nachfolgenden feÿndt. Da er nůn die feÿndt
sah zů ÿm kůmmen. entsetzt er sich etwas hoch Derhalbenn er
sein Vettern hertzog Otto vonn Swaben vmb rath fraget. Welcher
ÿm rieth er solt aůs vertrawenn zů gotlicher hanthabůng. vnnd
beschirmůng sich vil ee begeben in die besorglickait des Meres. dann