in das schwert der feÿndt. Daraüff sie baÿde schwemten in das Mere
Vnnd wiewol der Romisch kaÿser weÿt hÿnnein kůmmen was. vnd als
er wider an das gestat kam. sah er die feÿndt ÿn vmbgebenn.
Derhalben er wider in das meer schwemmet. zů dem andern schiffe. vnd
wart von einem Ritter erkant hainrich gnant nach wendischer sprach
Sloma wart genant. Also wart der Romisch kaÿser mit seines brůders
Sůn hertzog Otto von Swaben eingelassen. vnd entlich erkant. vnd vom
Patron gefraget. Ab er der kaÿser were. Daraůff er nach vil
vngleichen zůsagen antwort Jch bin der.
der von wegen meiner sůnde in solch vnglück. vbelgeen. vnd elendt
kůmmen bin. Aber ir solt horn Was ich nůn thůn werd. Ich hab die
besten vnd edelsten aůs meinem here verlorn. vmb welches schmertzen
vnd laÿds willen ich mein Lant vnd ÿr freůntschafft nÿmmer sehen
mag. nach zůsehen beger Darůmb wollen wir schiffen zů der Stat
Rossan. da mein haůsfraw meiner zůkůnfft wartet. vnd wollenn mit
vns nemen ein vnzcelichen schatz von gelde. den ich daselbst hab.
Vnd darnach zů ewrm kaÿser meÿnem brůder. vnd als ich hoff meinem
aůch getrewen freůndt in disen meinen noten zciehen. Důrch diese
freůntliche wort wart der Patron erfrewet. vnd eÿlet tag vnd nacht zů der Stat.

Als er nůn nit fern zů der Stat hett. Schickt er sein vettern Hertzog. Otto.