Da nün der kaÿser etlich wenig tag was zů Rossan stil gelegenn.
zcog er in einem schiff gegenn Rom vertrawent in der tůgent der
von Sicilien. Als er nůn gein Rom kůmmen was. bevlis er sich
aůffs allerhochst sein zůstort here wider zůvergentzen. vnd die
zestrawte taÿl widerzůversammeln. Weÿl aber die Romerr
vnd Beneuentaner. die vom panÿr flůchtig warn worden. nit
dorfft ernstlich straffen von wegen gebrechens eines mechtigenn
heres. hielt er sein fůrnemen vnd gemůt gantz heÿmlich. vnd was
betrůbt zů Rom als beÿ den feltflůchttigen. vnd die yn vmb eÿn solch
schon starck vnd wolgerůst here gebracht hetten. vnd blÿb solang beÿ
den zwÿtrechtigen Romern bis alle Teůtzsche Fůrsten diese erschreckliche
mer vernommen vnd zů Aůgspůrg zůsamen kamen mit schmertzen
einmůtiglich důrch schrifftliche bit begerendt das sie mochten den kayser
sehen Etlich schreibenn das die Fůrstenn haben ÿr botschafft beÿ dem