rischenn ser ein. mit grosser vngestůmmickait. Aůch nit wenigerr die
kayserische zu den Lotringen. Wie wol an der zcal weniger. aber mit
der stercke macht vnd Streitbarkait gleich. Weyl Sie nůn baider saits
widereÿnander hart striten. kam obgemelter kayserischer haůff hinten
zugefallenn. vnd wůrden des halben die feindt forn zú. vnd hinder wertig
ser benotigt vnd geslagen. Vnnd nachdem sie kain frůchtbar rettůng wider
hinder noch vor ÿn hetten. schreÿen etlich kaÿserische die Frantzosisch Sprach
kůnten reden. mit Frantzosischenn worten. Fliehent. Fliehent. Da das die Lotringer
horten mainten sie wůrden also von yren gesellenn gewarnet Vnd wůrden da
důrch flůchtig. Vnnd wiewol desselben tags wůrden der kaÿserischenn
vil verwúndet. Aůch etliche erschlagenn. Aber die feyndt wůrden gar schier
alle entwer erslagen oder gefangen Oder aů ffs wenigst verIaget. vnd
verlorn den Sÿg Es wůrden auch vnter den feinden zwen Graůen erslagen
Gotfridt der Swartz genant. Vnnd Meinzo der Tancmar hett erstochen. Es
wart aůch den feinden all ir gůt Im heer abgewůnnen. vnd vnter das
kayserisch Folck getaÿlt.

Als nůn der Romisch kaÿser. Otto. Sah das er den Sig gewůnnen Hett.