Aber wie dem. So het es keyn vrsach zů seinem Jüngen Sůn der
seiner kindthaithalbenn noch nicht het můgen sůnden.
Aber des hertzogen biten halff nichts. Sůndern ÿderman
schrÿh man solt ÿnn vmbbringen Daraůff das Folck zů ÿm
einfiel. vnnd yn sambt seinem Jůngen Sůn mit vil wůndenn
Jhemmerlich vmbbrachten. Etlich schreiben des hertzogen
von Venedig Jůnger Sůn seÿ in der sewgammen arm erstochen
wordenn. Vnd das ÿr beder Corper sein beÿ der FleischBanck
den hůnden fůrgeworffenn. Vnd entlich vonn Johann Gradmick
aůffgehaben. Vnd Inn Sant hÿlarÿ kirchen aůffs erlichst begraben
wordenn Vnlang darnach kam Vital Candian zům
Romischer kaÿser. vnd clagt seiner kaÿserlichenn Maiestat. die
erbermliche gewalt des Commůns zů Venedig seinem Vater ertzeigt
vnnd erwarb soůil das ÿm der Romisch kaÿser zůsagt solch gewalt
an den Venedigern zůrechen. Aber thet nichts weÿters darzů
villeicht důrch vorbit seiner můter der Romischen kaÿserÿnn
Frawen. Adelhaÿt. Oder aůch das er důrch andere geschefft
ann solchem fůrnemenn gehindert wart.

Die Venediger machten ein enporüng in ÿrer Stat. vnd vertriben