Steffann Caloprin ÿrer mitbůrger einen. eÿns gůtenn geschlechts.
Demnach er zům Romischen kaÿser gen Bern zcog sich solcher grossenn
Iniůrien beclagendt mit erbietůng seiner kaÿserlichen Maiestat
die Stat Venedig zumerraten. Also legt der Romisch kaÿser den
Venedigern die strassen vnd den handell. Derhalben die Venediger
allen Caloprin ÿr hewser einbrachen vnd verstorten. vnd yr
weiber vnnd kinder gefencklich setzten sich an ÿn zůrechen. die sie
doch entlich nach abgang des Romischenn kaÿsers wider einnamenn.

Nachdem dieser Romischer kaÿser hett seÿn Vetternn Almar
aůs dem alten haws zů Sachssenn. vnd dem edeln geschlecht konÿg.
Widekints. geborn mit seÿner tochter Alasia von etlichen Alexia
genant. erziehen. vnd dieselben sich entlich an verwilligůng
dieses Romischen kaÿsers vnd ander ÿrer Freůntschafft aneinander eelich
vertraweten. Vnd derhalben ein zeit in kaÿserlicher Maiestat vngnaden