warnn. Nam sie darnach dieser Romischer kaÿser wider in gnad.
Sůnderlich darzů bewegt aůs vorbit Sant Jacoffs des grossen haÿlgen
Apostels. als ÿm die kinder. herrlen vnnd frewlein zů awgen gestelt
wůrdenn. So sie Im elendt miteinander erlangt hettenn Vnd gab
ÿn der aller beste gegent in Welschen Landenn eÿne ein. Welche
er nennet die Marck zů Montferrat. Welche herrschafft beslossen
was mit dem schiffreichenn wasser die Pad genant vom Franckraichischenn
gepÿrg. vom Janneser meer. Vnd in der obern gegent vom berg
Vesůlůs. vnd der gantzen herschafft Pedemont Oder Piemont genent.
Also machet dieser Romischer kaÿser herrn Almar zů einem Marggraůen
zů Montferrat. Desgleichenn all sein Sÿben Sůn. Vnd
Nemlich befal er dem Eldisten das Regiment. Vnd lÿh das gantz Fůrstenthůmb.
Den andern Sechs brůdern gar allen den titel der Marggraůen
Aber sůst sůnderlich einem ÿdenn ein sůnderlich herschafft Als
Nemlich der Stat Saůon. Jncise. Ponzom. Ceůe. Botschi. vnd Salůciarům
Wie aber die histori ann ÿr selbst ergangenn ist. wirt Im
geschlecht vnd in antzaigůng der nachkommen. des grossen Widekints folgen.

Als nůn der Romisch kaÿser wolt wider in Germanien ziehen
lies er sein můter die hailig. Adelhaidt. in der Stat Paůÿ