Dieser Romischen kayserin. Theophanie. erschÿnn eÿn malh Sant
Lorenntz In mitter nacht. mangelhafftig des rechtenn arms. vnd
sprach warůmb fragestů nit wer ich bin. Da antworth sie aůff.
Herr ich darff nicht fragenn. Da Saget Sant Lorentz. Ich bin es
vnnd damit erkant sie seinenn namen. Also sagt Sant Lorentz
Was dů itzt an mir sihest vnnd erkennest das hat dein herr ann
mir beweiset. von dem verfůrt důrch welches Rat vnnd eingebůng
ein gros anzcal der Cristenn in grosser vnainickait steet. Vnd
verschwant mit disen wortenn. Also erschrack die kaÿserin ser.
vnnd bevlÿs sich darnach allzeit aůffs hochst das das Bistůmb zů
Mersbůrg in der ere Sancti Laůrencÿ aůffgericht vnd wieder
vernewet wart. vnnd das demselbenn erstattůng erliddenerr
schedenn erzcaiget wůrdt.