Die Romische kaÿserin. Theophania. kaÿsers. Otto. des andern
nachgelassenn witwe wart entlich zů Nuenmegen kranck. vnd
endet ÿr lebenn in vil grossenn kaÿserlichen tůgenden Vnnd
vorschÿdt vonn disem Jammertalh am Fůnffzehenden tag des
hewmondts Nach cristi gebůrt Neůnhůndert vnnd Im aÿn vnd
Neuntzigsten. vnd Im Neůnten Jhar ÿrer witweschafft. vnd sie
wart gein Colnn tot gefůrt. Vnnd in Sannt Pantaleons Closter
vom ErtzBischoff Energerÿ in gegenwertickeit ÿres Sůns des Jůngen
Romischen konigs. Otto. des drittenn begrabenn. Welcher
aůch zů hail seiner můtter sell demselben Closter vil gůter gab.