vnnd bedacht. das es vonn gotlicher gůtickait keme. danckt er dem
Almechtigen Got mit andechtigem gebeth. Vnnd wiewol er mit forcht vnd
hoffnůng zů gleich also wardt beladen. das er nit eÿgentlich wissen hett.
wes er sich hin fůr solt haltenn. doch blÿb er in dancksagůng. vnd
Inn seiner andacht.

In mitler zceit schrib Graf Dedo in Ost Důringen allen pflegernn
Hertzog. Hainrichs. zů Sachssen. das der Romisch Kaÿserr
obgesigt het. Vnnd schrÿb aůch daneben das der Hertzog.
Hainrich. tot blieben wer. Durch welche listickait er zů wegenn
bracht das hertzog. Hainrichs. Stete sich alle dem Romischenn
Kaÿser. Otto. gaben. Allein aůsgenůmmen. Mersbůrg.
Vnnd Scheidingenn.