Etlich schreibenn das dieses Romischenn konigs gůnner vnnd
diener Graff Wilhelm vonn weÿmar vnd Orlamůndt der dem
hertzogenn ser anhieng in der Stat Weÿmar belegt. Als sie aber
vernamen das hertzog. hainrich. vonn Baÿrn kam. legten sie Sich mit heer
zů dem dorff Eÿtere. Welch dorff vonn daran gelegenn berg Eÿtersberg
genant. den namen hett. den kůnfftigenn tag mit ym zůstreiten
Als dis der hertzog erfůr schicket er nach dem ErtzBischoff Willigis
ÿn bittend der kongischen gemůt vnnd fůrnemen zůerkůndenn
Vnnd So es můglich wer ein frid zůmachenn. Da aber der
ErtzBischoff sein bot schafft vonn den Eldistenn des kongischenn
Folcks geworbenn hett. wůrd ÿm geantwort. Wo der
hertzog den konig ÿren herren wolt widergebenn. Vnd nichts
von seinem gůt dann Mersbůrg. Wallebeck. vnd Frosa aůff einem
bestimbten tag wolt behaltenn. vnd dasselbig mit gleůblichem eÿdt