verschm eet dem Romischen kaÿserr. Otto. ser. Vnnd versammelt aůs
allenn seinen Landenn ein gros heer. vnnd zcog mit macht
fůr Brandenbůrg. Da nůn die Lawsatzer des kaÿserlichenn
heres gewar wůrdenn. alsbaldt vnnd zůstůndt steckten sie die
gezelt an. vnnd verbrantenn was sie nit nemen kůnten. Vnd
flogenn aůs dem feldt hinweg. Da solchs die Sachssen die In
Brandenbůrg lagen vernamen. schrÿenn sie kirieleÿson. Daraůff ÿn
die kaÿserische antworttenn. Vnnd als der kaÿser die Stat
Brandenburg eingenůmmen hett. besetzt er sie. Vnnd zcog wider vonn
dannen. Aůch da eebenanter Ritter kitzo an gedachtenn
gegenten den wenden heimlich zů schaden angefangenn hett.
wart. er vonn ÿn erschlagenn.

Die zeit war zů Rom ein Obirster Bůrgermeister vnd Regent
obenbenanter Crescenciůs. der sich vnnterstůndt die gantzenn
Stat Rom fůr ein herrenn zů regirn. Derhalben er aůch.