Den Babst Joannes des Namen der Sechzehen. Da er ÿm nit
nach seinem gefallenn wolt nachlassenn. vnd seines willens
gestatenn. So forchtig vnnd zcaghafttig machet. das er aůs derr
Stat Rom wÿch. vnd in Ethrůrien ein Landt in welschen Landen
gelegen. flog. da er sich wider ermannet. vnd diesen Romischenn
kaÿser důrch brieff vnnd botschafft bat dem Bebstlichen Stůl
vnnd der gantzenn Stat Rom zůhelffen. Vnnd sie aůs
ÿrem vnfall zůentledigenn. bevlissen sein. Da solchs Crescenciůs
erfür besorgt er wůrd kein gnad befinden. So der Romisch
kaÿser keme. Daraůff er zůstůndt sein botschafft zú Bebstlicher
hailickait vnnd ÿrer Freuntschafft abfertiget. den Babst
ÿm wider gnedig zůmachen. Den er aúch mit vilfaltiger grosserr
zůsagúng bewe get. das er wider gein Rom zcog. Welchenn Crescenciůs
aůch lies herlich einfůrn. Vnnd ÿm zůfůessenn fiell. Vnd fůr den
Babst vnnd hochstenn Stathalter aůff erdenn eret.

Als nůn dieser Romischer kaÿser alle sachen in Teůtzschen Landen.