So wůrd er wiewol vngern verůrsacht s ein Lanndt zůretten. Vnnd
sich zů wernn. Daraůff der kaÿser. Otto. antworth er
wer allzeit eindechtig gewest der mogeschafft Aber vil mer wer er
eindechtig seines gethanen vnnd geschwornenn aÿdes das hailig Romisch
Raich getrewlich vnd seins hochsten vleis vnd vermůgens zůhanthaben
Darůmb wolt er die gerechtigkait desselben Romischen Raichs aůs gedachter
pflicht schůtzenn. vnd demselben seine verlorne Landt wider heÿmbringen.
Sein anherr oder grosvater des kaÿsers von Constantinopel hett die zweÿ
Landt Apůlien vnnd Calabrien Innengehabt. die het sein Vater der
Romisch kaÿser. Otto. der ander mit dem schwert widergewůnnen. Derhalben
aůch sein Vater daselbst ein grosse schlacht hett erlidden. Also wolt
er in seines Vaters fůsstapffenn bleÿben. vnd entwer einfall da erleiden.
Oder das konigRaich Sicilien wider zů dem Romischen Raich bringen Da
das des kaÿsers vonn Constantinopel botschafft horten. baten sie vmb
ein anstant. vnnd erwarben aůch . Demnach der Romisch
kaÿser mit benanter krigischen botschafft zů dem kaÿser vonn Connstantinopel
den hochwirdigen Bischoff Bernward von Wirtzbůrg schicket. ÿn můntlich zů
vnterweisen dem hailigen Romischen Raich seine Landt wider zůgeben.
Welcher Bischoff entlich in Achia in einem krÿechischen mit
vil seiner diener vnd weggesellen starb. Důrch den aůch Got als
etliche schreiben vil wůnderzaichenn ertzaigt.

Als dieser Romischer kaÿser. Otto. frid mit dem kaÿser von Constantinopell.