anzall tot. Wann in derselben schlacht. Bischoff Reÿnward von Minden.
das Creůtz in sein hanndt nam. trat vor den fenreichen ein. vnnd
trostet sein gesellenn. vnd redet ÿn ein gros gemůt ein. Aber
dennoch wart auff des kaÿsers saitenn. erschlagen Graff
Gardolff mit wenig andernn.

Inn mitler zeit fiel obengedachter Crescenciůs sambt seinen gůnnern
widerůmb setzt sich wider Babst Gregoriůs vertreib ÿn. Vnnd
warff herr Johansenn Bischoff zů Placentz zů eÿnem Babst aůff
Fieng aůch des Romischenn kaysers botschafft zů Im geschickt.
Als nůn der Romisch kaÿserr. Otto. das Innen wart. zcog er Nach
Cristi gebůrt Neůnhůndert vnd Im achtvnndneůntzigsten Jhar mit
einem vbergrossen here. gegen Rom důrch sein botschafft begerendt.