Etlich schreibenn da sich der vermeint Babst. vnnd
der Crescenciůs hetten verhofft. gnad vom Romischer kaÿser
zůerlangenn. sein sie daraůff aůs der Engelsbůrg gezcogenn. den
Romischen kaÿser personlich zůsůchen. Also seÿ Crescenciůs
vnterwegen vom gemeÿnen Folck erstochen worden. Aůch
findt man in etlichen Teůtzschen Cronicken das der Romisch
kaÿser hab den Crescenciůs sambt andern zwolffen lassen kopffen
darnach mit den Fůssen aůffhencken. vnd entlich in die Tÿber
werffenn Aber dem vermeinten Babst wůrdenn
sein awgenn aůsgestochenn. Vnnd darnach dass
Babstůmb vnnd leben genůmmen.