fůret er die gein Ache kaÿser Karl des grossen vnd hailigen zůerheben.
vnnd da der Romisch kaÿser. Otto. zweiůelt. Wo
des hailigen kayser karls haÿlthůmb lege. brach er heimlichenn
das estrich aůff. da er es zufinden verhofft. Vnd fandt es
aůch also in aÿnem koniglichen sarch ligendt. Vnd als er nůn des
hailigenn kaÿsers gebeÿn ansah. erscheÿn ÿm kaÿser Karll in
aÿnem erschrecklichen geschicht. Sprechent. Dů wirst eines
kůrtzen vnd frůen tots. vnnd an kinder sterbenn.
Darůmb nam kaÿser. Otto. nit mer dann ein gůlden Creůtz.
das an kaÿser karls hals hieng. mit ainem taÿl der claÿder. vnd
des hailigen kaÿser karll schwert. das noch beÿ dem Romischenn
Raich ist. vnd lies darnach den hailigen kaÿser karll erheben.
Wiewol etlich wollen. Schreiben kaÿser Friderich Barbarossa hab
kaÿser karll lassen erheben. Vnd leget das ander alles mit grosse
r erwirdigůng widerhin.

Etlich Cronicka habenn das dieses Romischen kaÿsers Fraw seÿ
ein ser vnkeůsch weÿb gewest. vnd wiewol daůon in glaůbwirdigen