vnzůchtig anmassenn zůmessigen. Damit nit die warhait antag
keme . Beůor angesehen das der kayser ein gestrenger ernster herr wer.
vnnd ein solcher liebhaber vnd hanthaber der gerechtigkait. Das er
wůstet das er nÿmants wůrd schonenn. Wann nach vil
menschen sage. So wer er etwas zůschnel schier zůstraffenn. vnnd
zůglawben zůůil genaÿgt. Aber die kaÿserin lies sich mit solchenn
worten nit abschreckenn. Sůndern ermanet erst mit vergessůng
weiplicher zcůcht vnnd blodickait. Vnd also der Graff vonn ÿrr
weg geen wolt. erwůscht sie ÿn bey dem mantell. vnd vermeint ÿn also
zůbehaltenn. Aber er reÿs der kaÿserin sein mantel aůss den
hendenn. Vnnd Sprang daůonn.

Darnach wendt die Romische kaÿserin ÿr vorig vnzůchtig lieb in ein
vil vnerlicher fůrnemen vnnd ein vbergrimmigen hass. vnd beschlos
beÿ ÿr den zůchtigen vnschůldigen Graůen vmb sein leben zůbringen.
Darůmb nam sie das taÿl von dem zůrÿssen mantel. vnd bracht ÿn
dem kaÿser. fiell in ÿr aÿgenn har. vnd wendet mit grossem weÿnen
hewlen. vnd vngestůmmen vnwesen ÿr schentlich vntat aůff den