entwordenn was. Vnnd das gedachte Stat. nit wol zůgewinnen
vnnd zůerobbern wer. verwůstet er Lothring vnd zcog darnach
wieder in Sachssenn mit seinem Heerr.

Als nůn Hertzog. Iselbrecht. vonn Lothringen sach das er mit gewappenter
gewalt. Kaÿser. Otto. vil zů schwach vnnd zů wenig warr.
mit ym zůstreiten. lies er sich bedůncken. es wer vil besser. das er dem
kayser widerstant mit des Graůen Immo listen thet. dann mit
werhafftiger macht. Darůmb Jmmo weÿl er eÿn gar
listig mann was. vnterwarff sich dem konig wider den Hertzogenn
zustreÿten. den er offtmals mit listickait vberwůndenn hett.
Derhalbenn der Hertzog zů Lothringen anders woher hilff vnnd
rettůng můst sůchenn.