vnnd da sie nůn wide r aůffgehabenn wart. gab sie sich in gnad dem
kaÿser mit aÿgentlicher verzelůng der gantzenn geschicht wie
sie vom anfang bis zům endt ergangenn was. Also kam die warhait
an tag. Vnnd als der kaÿser solchs alles gnůgsam vnterricht entpfangenn
hett. gab er diss vrtaill. das solch vntat solt mit dem feůr
gestrafft werdenn. Darůmb lies der Romisch kaÿser
die kaiserin verbrennen. Vnnd gab nach erkentnÿs der Schepffen
der Grefÿn vnnd ÿren erben Vier Schlosser. Welche
Schlosser sein genant worden. das zehent. das Acht. das Sÿbent.
Vnnd das Sechst Schloss. Darůmb das der Romisch kaÿser aůff
der Fůrstenn betaidigůng vier tag zeit erlangt. ÿr erstatůng zůthůn
vnnd die erstenn tagzeit von zehen. die annder von acht. die drit von
Sÿbenn. Vnnd die viert vonn Sechs tagenn.

Die zeit ist ein Babst gewest. Silůester des Namenn der annder. der