gůldenn seůllen. gůlden Ritter mit gůldenn wůrffeln spilent. eÿn guldenn
konig mit eÿner gůlden konigÿn essen. gůlden gericht. die vmb steende
diener Becher vnd ander trinckgeschirr alles gůlden vnd vberkostlich. Sie sahen
aůch Im Jnnern taÿl des haws ein So Edelnn Carbůnckelsteÿn. das er důrch
sein schein die finsternÿs der nacht gar verdrib. Vnd Im Winckel da gegenn
stůndt ein zartes kindtlein mit eÿnem gespannen bogen vnd aůff geschlagenn
pfeÿll. vnd so bald eÿner etwas angriff. liessenn sie sich důnckenn.
als stelten sich die bildt alle zůr were. wider den angreiffer. Derhalbenn
der Babst aůs forcht nichts angriff. Aber sein Camrer nach dem er meÿnt
ein clein diepstall mocht in eÿnem so grossen gůt wol verborgen bleÿben.
Darůmb nam er eÿn vberkostlich messer. Derhalben sich die bild
alle zůstůnt erhůbenn. Vnnd das benant kintlein Schos sein pfeÿl in
Car bůnckell. vnd macht finsternÿs. Daraůff aůch freÿlich der Babst
Sambt seinem Camrer wern in schwer not kůmmen. Wann nicht der
Camrer aůff des Babst befelh das messer So baldt wider hingelegt hett.
Also gieng darnach der Babst vnd sein Camrer ler. wie er kůmmenn
was wider daůon.

Diser Romischer kaÿser hat aůch Sant Mertins kirchen zů Worms
gestifft vnnd aůffgericht.