Hertzog Vrseel vonn Venedig Sůns Petern firmbot zů Bernn In
welchsenn [lies: welschen] landen geworden. Daůon benants hertzogen vonn
Vendig Sůn ist darnach nit mer wie vor Peterr Súndernn von
seÿnem firmbotten disem Romischen kaÿser. Otto. genant wordenn.

Dieser Romischer kaÿser ist eÿnmal heÿmlich zů Sant Marx mit
gar wenig lewtenn gen Venedig vonn Raůenna sein gelobte wallfart.
aůszůrichtenn gezcogenn. Vnd zů Venedig in der nacht einkůmmenn.
vnnd aůff das sein ankůnfft mocht verborgen bleÿben. zcog er in Sant
Serůůli Closter ein. Also kam der hertzog vonn Venedig Peter Vrseell
zů ÿm vnnd entpfieng ÿn mit grosser frolickait. Vnnd zcog mit ÿm
in der nacht Inn Sannt Marx kirchenn Als nůn der Romisch kaÿser
sein wallfart vnd gebet verbracht hett. zcogenn sie miteÿnander in des
Hertzogen palast. darÿnn darnach der Romisch kaÿser beÿ Im warr.
vnnd damit ÿe des Romischen kaÿsers gegenwertickait mocht desterr.