Da nůn PfaltzGraff. Eberhardt. betracht das sich der krieg Lanng
verzcogenn hett. wolt er nit lenger růhen. vnd veracht das glůbd
vnd den geschworn eydt. dem kaÿser gethan. vnd verbandt sich
mit mergedachten hertzogen zů Lothringen wider die koniglich Maiestat.
vnd war genaigt mit ÿm zůkriegen. zcogen aůch mit eÿnem here In
die Ostgegent am Reÿn dieselbenn gelegenhait gar zůůerterben Aůch
verbůnden sich vil andere mer von den vmbligenden einwonern.
důrch anregůng. Hertzog. Hainrichs.