Darnach fůret die trawrich schar den Teůtzschen den leÿb des kaÿsers. vnd
leÿdt vil schmahe. vnd war in grosser vnsicherhait gantzer Sÿben tag
vor den feinden den walen. bis gein Bernn. Als sie aber vber das gepirg
vnnd gein Půllingen das Stetlin des Bischoffs von Aůgsbůrg kamen.
wůrden sie von dem Bischoff Sigifrido. vnd dem Hertzogen Hainrich
vonn Baÿrn der kaÿserlichenn Maiestat vetter mit weÿnenden aůgen
wirdiglich enpfangen vnd angenůmmen. vnd aůff ein newes ser wider
bewegt. mit schmertzen. Vnd sie antwortten dem hertzogen den toten
kaÿser. mit allem koniglichen gerete. aůsgenůmmen das hailig Sper. das
der Bischoff herebertůs gein Colnn geschickt hett. Da bat
der hertzog die kaÿserische gewaldige ÿm gůnst vnd stÿm zůlaisten
zůerwerbůng des kaÿserthůmbs mit zůsagůng grosser gnad vnd begabůng.
Aůch wart benanter ErtzBischoff gefencklich aůffgehalten. bis er seinen
brůder zů eÿnem pfandt hint er ÿm lies. Vnd also gein Coln zcog.
vnd das Sper wider vberschickt. Wann er hielt es nit mit dem
hertzog. So fiel er ÿm aůch nit offentlich ab. Sůndern lies sich
vernemen. er wolt dem zůfallen zů dem sich der merer tail des Folcks